Wo ishq hi kya,
Wo ishq hi kya jo yun aasani se mil jaye,
Wo ishq hi kya jo phoolon ki tarah na khil paaye,
Wo ishq hi kya jismein halki fulki takrar na ho,
Wo ishq hi kya jismein har roz beintehan ishq ka izhar na ho.
Wo roothna wo manana,
Kabhi gusse se toh kabhi pyar se samjhana,
Wo roothna wo manana,
Kabhi gusse se toh kabhi pyar se samjhana,
Bas inhi choti choti baaton mein toh simta hua hai ishq ka fasana.
Apne mashuka ke walid se wo pehli dafa milna,
Apne mashuka ke walid se wo pehli dafa milna,
Aur unki nazron ke darr se apke hothon ka silna,
Pyar mein ye din bhi dekhna padega apko janab,
Toh iske liye bhi zara tayar rehna.
Wo saath baith sapne dekhna aur ek dusre ko kehna ki humein toh hamesha sang hai rehna,
Wo saath baith sapne dekhna aur ek dusre ko kehna ki humein toh hamesha sang hai rehna,
Bas ye kam kahin bahar baith ke na karna.
Bas ye kam kahin bahar baith ke na karna,
Kya pata wo pyar ke dushman rajneeti ka joga odhe kab aajaye aur unse bachne ke liye kahin apko na kehna padd jaye apni mashuka ko behna.
Toh Isiliye kehta hoon mitron sawdhan rehna satark rehna,
Khair toh iss baat ko kuch iss tarah se khatm karte hein ki Mohabbat ki raah ko agar tum chun rahe ho toh hausla bhi rakhna.
Ki Mohabbat ki raah ko agar tum chun rahe ho toh hausla bhi rakhna,
Jitne phool milenge tumhe iss raah mein kaate bhi Utne hi milenge.
Jitne phool milenge tumhe iss raah mein kaate bhi Utne hi milenge,
Ise aasan samajhne ki bhool na karna,
Ise aasan samajhne ki bhool na karna.
Toh jaaye aap bhi thoda ishq mein gir jaaye toh kabhi thoda sambhal jaaye,
Kyu ki wo ishq hi kya jo yun aasani se mil jaaye.
Comments
Post a Comment