Main Tumhein Bhoolne Laga Hun Shayad -Deepak Upadhyay || UnHeard3.0 #TinderTales-innervoice wittyfeed

       " Har karwat pe yaadon ki tlawaar hoti hai ky tumhari neend ky raat mein nishwaar hoti hai,,
                       jo waade jo masle hai jaane do awaam ki to bhala sarkar hoti hai."

Mein tumhe bhulne laga hu shayad.

haa bas kabhi kbhi ek aansu ka katra dheere se mere ankhon ke kono se nikalta hua..

Palkon mein ulasta hua..

Dheere dheere mere gaalon se hokar..

Mere seene par ja girta..

Or bhare hue zakhmo ke sukhe poddho ko

Jaise paani daal kar firse hara kardeta..

Yun to sab kuch thik hai

zindagi guzar rahi hai subha se shaam bhi

Badi asaani se office mein kaam karte beet jaati hai

Or raat ko neend bhi ajati hai

pehle ki tarah raat din zaya nahi hoti meri

tumhari tasveero se bhi baat nahi karta hu mein..

shayad!shayad khush rehne laga hu mein

haan!haan khush hu mein,

kitabon ke saath hi saara waqt bitata hu,

unse hi baatien karta hu.

pata hai unki achhi baat kya hai

wo mujhse koi shikayat nahi karti..

bas mujhe sukoon deti hai

haan unke bich rakhe hue wo gulaab ke phool

jo aise hi waqt bewaqt tum mujhe dediya karti thi

tumhari yaad dila dete hain

par mein unhe bookmark ki tarah istamaal karta hu

woh1woh pichhle hafte janam din tha na tumhara

tumhe surprise deni ki jaise adat si pad gyi thi

har saal ek mahine pehle se tyiyariya shuru kardeta tha

ki ye karunga wo karunga or karta bhi tha shayad

ki tum dekhte hi mere gale lag jaogi..

kitna bada din hota tha na wo mere liye..

aur tum kitna khush hoti thi ye sab dekh kar

par kayi baar to rone bhi lagti thi

us bs esa lagta tha ki duniya mein or koi khushi bachi hi nahi

or kani sukoon hai hi nahi

bas ek tumhari khushi hi sab kuch hai.. 

par is baar bhi office se chhuti li thi maine

wahi sab kiya jo tumhare hone par karta tha..

wo dil waale gubaare is baar bhi lagaye the,

wo gulaab ke phool is baar bhi bichhaye the,

wo khushboo waale candles is baar bhi jalaye the..

bas ek chiz nahi thi jiski kami se sab adhura hai

or wo thi tum..

mujhe nahi pta tum kyo nahi ho mere saath

mein nahi samjha pata saari pareshaniyo ka hal bichhad jana hi tha..

kya rishtey tod dene ke liye banaye gaye hai

par kuch sawaalon ke jawab hote hi nahi shayad

par jab antar-mann mein bhuchaal ata hai na 

tb atit ke palo ki moti se moti parte bhi phat jaati hai..

or fir bahar nikal kar aati hai yaadien

yaadien jo dafan ho chuki thi..

mein zada kuchh nahi janta 

mujhe pata hai to bas itna

ki sab bhot khoobsurat tha

bhot roohani.

shayad itna pyara ki mein lafzon mein bayan nahi kar sakta

par ky tum janti ho pehle ki tarah laparwah nahi hu mein

time par khana kha liya karta hu raat mein jaldi sojaya karta hu 

gussa nahi karta,chizein nahin todta khudko nuksaan nahi pohchata,

abto dar lagta hai halki si chot na lag jaaye.

phone galti se bhi gir kar na tut jaaye..

mein tumhe bhulne laga hu shayad.

haa bas kabhi kbhi ek aansu ka katra dheere se mere ankhon ke kono se nikalta hua..

palkon mein ulasta hua..

dheere dheere mere gaalon se hokar..

mere seene par ja girta..

or bhare hue zakhmo ke sukhe poddho ko

jaise paani daal kar firse hara kardeta..